Plantun de Prouvènço

Pèr coumpara dos planto d'encò nostre

Veronica fruticans & Grimmia orbicularis

Veronica fruticans

Plantaginaceae Scrophulariaceae

Noms en français : Véronique des rochers, Véronique buissonnante.

Descripcioun :
Poulido verounico di flour bluio founço emé lou centre un pau rouge, que trachis dins li roucas e li pelouso d'auto mountagno. Li ramo soun drecho, li fueio óupousado e lusènto. La planto a ges de péu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Veronica
Famiho : Plantaginaceae
Famiho classico : Scrophulariaceae

Ordre : Lamiales

Coulour de la flour : Bluio
Petalo : 4
Ø (o loungour) flour : Pancaro entresigna
Flourido : Estiéu

Sòu : Si
Autour basso e auto : 1200 à 2800 m
Aparado : Noun

Liò : Mountagno mejano - Auto mountagno - Roucas - Terraire safrous
Estànci : Mountagnard à Aupen
Couroulougi : Pancaro entresigna
Ref. sc. : Veronica fruticans Jacq., 1762 (= Veronica saxatilis Scop., 1771 )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.